चितवन । नारायणगढ-मुग्लिन सडक आजदेखि एक हप्ताका लागि दैनिक साढे चार घण्टाबन्द हुने भएको छ ।
सडक मर्मतका लागि भन्दै नारायणगढ-मुग्लिन सडक खण्ड दैनिक साढे चार घण्टा बन्द गरिन लागेको हो ।
सडकखण्ड अन्र्तगतको चितवनको इच्छाकामना गाउँपालिका-६ स्थित चारकिलो डाँडाको पहिरो रोकथामको बाँकी काम सम्पन्न गर्न आजदेखि एक हप्ता बन्द गरि नारायणगढ-मुग्लिन सडक आयोजनाले काम गर्न लागेको छ ।
जस अनुसार एक हप्तासम्म बिहान १०ः३० बजेदेखि दिउँसो ३ः०० बजेसम्म उक्त सडकमा दुइतर्फी सवारी आवागमन अवरुद्ध हुने आयोजनाले जनाएको छ ।
यस अवधि भर नारायणगढबाट आउने सवारी साधनहरुलाई जलबिरे र मुग्लिन तर्फबाट जाने सवारी साधनहरुलाई मुग्लिन नजिक शान्तिबजारमा रोकिने जिल्ला ट्राफिक प्रहरी कार्यालय चितवनले जनाएको छ ।
यस अवधिमा संभव भएसम्म वैकल्पिक सडक मार्गको प्रयोग गर्नका लागि समेत सम्पूर्ण सडक प्रयोगकर्ताहरुलाई जिल्ला ट्राफिक प्रहरी कार्यालय चितवनले अनुरोध गरेको छ ।
प्रतिक्रिया