चितवन । नेपाली कांग्रेसका नेता चन्द्र भण्डारीले तोकिएको मितिमा महाधिवेशन हुन नसके कांग्रेस समाप्त (कोल्याप्स) हुने बताएका छन ।
चितवनमा सोमबार पत्रकारसँग कुराकानी गर्दै नेता भण्डारीले अब महाधिवेशन तोकिएकै मितिमा गर्नुपर्ने बताए । महाधिवेशन अब सर्न नसक्ने भन्दै भण्डारीले पार्टीलाई विधि र पद्धतिमा अगाडि लैजानुपर्नेमा जोड दिए । उनले भने, ‘नेपाली कांग्रेस विधिअनुसार अगाडि बढ्नुपर्छ ।’ फरक प्रसङ्गमा उनले प्रतिपक्षले अप्ठ्यारोमा परेका समयमा देशको नेतृत्व गर्नुपर्नेमा जोड दिए ।
पार्टीभित्र कसलाई प्रधानमन्त्री बनाउने भन्ने महसुस हुनसक्ने तर, देशलाई अप्ठ्यारो परेका बेलामा निकास दिनुपर्ने उनको भनाइ थियो ।
सर्वोच्च अदालतले आइतबार गरेको फैसलाको प्रसङ्गमा भण्डारीले अदालतले गरेको फैसला विधिको विजय भएको टिप्पणी गरे ।
प्रतिक्रिया