काठमाडौं । नेपाल राष्ट्र बैंकको डेपुटी गभर्नरमा बमबहादुर मिश्र र निलम ढुंगाना नियुक्त भएका छन् ।
मंगलबार साँझ बसेको मन्त्रिपरिषद बैठकले मिश्र र ढुंगानालाई नियुक्त गर्ने निर्णय गरेको हो । ढुंगाना डेपुटी गभर्नर पदमा नियुक्त हुने पहिलो महिला हुन् ।
राष्ट्र बैंकका गभर्नर महाप्रसाद अधिकारीको सिफारिसमा उनीहरुलाई डेपुटी गभर्नरमा नियुक्त गरेको एक मन्त्रीले जानकारी दिए ।
राष्ट्र बैंकमा डेपुटी गभर्नरद्वय चिन्तामणी शिवाकोटी र शिवराज श्रेष्ठको फागुन १९ गते कार्यकाल सकिएपछि उक्त पद खाली थियो ।
प्रतिक्रिया