काठमाडौं । नेकपा एमालेको माधव नेपाल पक्षीय केन्द्रीय सदस्यहरुको बैठक बसिरहेको छ ।
काठमाडौंको नयाँ वानेश्वरस्थित अर्याल होटलमा सो बैठक बसेको हो । सर्वोच्च अदालतले नेकपा खारेज गरेर पूर्ववत पार्टी गठन गर्न बाध्य पारेपछि नेकपा एमालेमा फर्किएको नेपाल पक्षका नेताहरु अब कसरी प्रस्तुत हुने विषयमा छलफल गर्न अनौपचारिक बैठक बसेका हुन् ।
बैठकलाई शुरूमै वरिष्ठ नेता झलनाथ खनालले सम्बोधन गरेका छन् ।
पुष ५ गतेपछि नेपाल कम्युनिष्ट पार्टी नेकपामा प्रचण्ड नेपाल पक्ष र ओली पक्षबीच पार्टी विभाजन भएको थियो ।
सर्वोच्च अदालतले नेपाल कम्युनिष्ट पार्टी खारेज गरेपछि माधव नेपाल समुह प्रचण्ड पक्षबाट विदा भएर एमालेमा फर्किएको थियो । प्रचण्ड पक्ष माओवादी केन्द्रमा फर्किएको थियो ।
एमालेमा फर्किएपनि अध्यक्ष केपी शर्मा ओलीसँग माधव नेपाल र झलनाथ खनालहरुको भेट भएको छैन । नेकपा एमालेको केन्द्रीय कमिटीमा नेपाल पक्षको सम्मानजनक स्थान रहेको छ भने पदाधिकारी, स्थायी कमिटीमा बहुमत रहेको छ । तर, १२० सदस्यीय संसदीय दलमा भने जम्मा ४० जना मात्र सांसद रहेका छन् ।
प्रतिक्रिया