काठमाडौं । देशभर शुक्रबारको मौसममा आंशिक देखि सामान्य बदली रहने सम्भावना रहेको छ ।
जल तथा मौसम पूर्वानुमान महाशाखाले जनाए अनुसार पहाडी भू-भागका थोरै स्थानहरुमा मेघ गर्जन र चट्टयाङ्सहित वर्षाको सम्भावना रहेको छ ।
शुक्रबार राति पनि देशभरी आंशिक देखि सामान्य बदली रहने छ । पहाडी भू-भागका थोरै स्थानहरुमा राति पनि मेघ गर्जन र चट्टयाङ्सहित वर्षाको सम्भावना रहेको महाशाखाले जारी गरेको सूचनामा उल्लेख छ ।
देशका पहाडी भू-भागका थोरै स्थानहरुमा मेघ गर्जन, चट्टयाङ् र हावाहुरिसहित वर्षाको सम्भावना रहेकोले आवश्यक सतर्कता अपनाउन महाशाखाले आग्रह गरेको छ ।
अहिले बिहान सुदूरपश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशमा आंशिक देखि सामान्य बदली रही बाँकी भू-भागहरूमा मौसम सामान्यतया सफा रहेको छ । हाल देशमा पश्चिमी वायुको प्रभाव रहेको मौसमविद्ले जनाएका छन ।
प्रतिक्रिया