काठमाडौं । प्रधानमन्त्री, जसपा शिर्ष नेताहरु र एकाले नेताहरुबीच भएको भेटवार्ता सकारात्मक दिशा तर्फ अगाडी बढेको दाबी गरिएकै बेला जसपा संघीय परिषदका अध्यक्ष डा. बाबुराम भट्टराईले भने आफ्नो फरक धारणा र्सावजानिक गरेका छन् ।
सत्तासमिकरण सहित जसपाका ३ बुंदे मागमा प्रधानमन्त्री केपी ओली सकारात्मक बन्दै गएको भनाई बाहिर आएकै भोलिपल्ट परिषदका अध्यक्ष डा.भट्टराईले आफुहरु कुर्सीको दौडमा नरहेको भनाई सार्वजानिक गरेका हुन् । ।
जसपाका नेताहरु महन्त ठाकुर, राजेन्द्र महतो, अशोक राई र उपेन्द्र यादवको प्रधानमन्त्री केपी शर्मा ओली सहित एमालेका नेताहरु सुवास नेम्वाङ, विष्णु पौडेल, राजन भट्टराईका बीच बिहीबार साँझ बालुवाटारमा ३ घण्टा बढी छलफल भएको थियो ।
जसपा नेताहरुले आफ्नो पूर्ववत ३ बुंदे माग निलम्बित सांसद रेसम चोधरीको रिहाई, मधेस मुद्दामा बिभिन्न बहानामा लगाइृएका मुद्दाहरु फिर्ता तथा मधेसलाई विभेदहुने गरि संविधानका धाराहरु संशोधन हुनुपर्ने माग प्रधानमन्त्री समक्ष राखेका थिए । त्यस सम्बन्धमा प्रधानमन्त्रीले सकारात्मक संकेत दिएको प्रधानमन्त्रीको प्रेस सल्लाहकार सुर्यथापाले जनाएका छन् ।
प्रधानमन्त्री ओलीसंगको छलफलमा डा. भट्टराई सहित ४ शिर्ष नेताहरु सहभागी हुने भनेर पार्टीको पदाधिकारी बैठकले निर्णय गरेको भए पनि डा. भट्टराई अन्तिम समयमा बालुवाटार गएका थिएनन् ।
‘देश अत्यन्तै गम्भीर संकटमा फँसेका बेला राजनीतिक दल र नेताहरूको भूमिका अपेक्षित स्तरको भएन है ! अदालतको कृपाले अलिअलि लाज बचेका बेला पुनः उही म्युजिकल चेयरको खेलमा लाग्नुको सट्टा समस्याका संरचनात्मक कारण खोतल्ने, आफ्नो आत्मसमीक्षा गर्ने र अग्रगामी निकास दिने पो हो त,’बिहीबार राति डा. भट्टराई आफ्नो ट्यीटरमा पोष्ट गरेका छन्, ‘जसपा त्यो मुसादौडमा छैन है !’
देश यति गम्भीर संकटमा फसेको बेला राजनीतिक दल र नेताहरूको भूमिका अपेक्षित स्तरको भएन है!अदालतको कृपाले अलिअळि लाज बचेको बेला पुन:उही म्युजीकल चेयरको खेलमा लाग्नुसट्टा समस्याका संरचनात्मक कारण खोतल्ने,आफ्नो आत्मसमीक्षा गर्ने र अग्रगामी निकास दिने पो हो त!जसपा त्यो मुसादौडमा छैन है!
— Baburam Bhattarai (@brb1954) March 11, 2021
प्रतिक्रिया