मलाई जब स्कूल पठाउन शुरु गरीएको थियो त्यस बखत आज को जस्तो वातावरण थिएन र आज जो मुस्लिम समुदायका सरपरस्त (अभिभावक) बनेका छन् शायद तिनलाई त्यो परिवेश थाहा पनि थिएन होला किन भने विधालय को वातावरण निकै सौहार्द थियो । हामी सबै समुदायका बालबालिका एकै किसिमको स्कर्ट र सर्ट र केटा हरु हाफ(गर्मीमा) पाईन्ट वा पाईन्ट लगाएर जाने गर्दथ्यौ । कुनै अभिभावकले विधालयमा आई छोरी स्कर्ट भन्दा सुरुवाल कुर्ता लगाएर पठाउछौ भनि भनेको सम्झना नै छैन ।
बांके (नेपालगंज) मा छोरी मात्रै पढाउनको लागि सरस्वती विधालय थियो । जहां न्यून मात्रामा मुस्लिम समुदायका बच्चीहरुलाई पठाईन्थ्यो । मलाई त्यही को केटा केटी दुवै पढ्ने विधालय पढ्न पठाईयो ।
मुस्लिम समुदायमा छोरी लाई विधालय पठाउने चलन नै थिएन । किन की छोरी पढिन भने सक्षम बन्ने छिन भन्ने ठूलो डर थियो र समुदायमा छोरी बिग्रीन्छिन भन्ने भय र डर देखाईएको थियो त्यसैकारणले छोरी पढाउने चलन थिएन । छोरा पढ्यो भने बाबु आमा सिहार्छ छोरी अर्का को घर जाने जात हो किन खर्च गर्ने छोरी माथी “छोरी घर की निशुल्क घरेलु कामदार थिईन” । छोरी माथि पनि छोरा सरह लगानी गरेको भए शायद आज यो समुदायको आर्थिक सामाजिक परिवेश अर्कै हुने थियो ।
तर खुशी के मान्नु पर्छ भने विस्तारै परिवेश फेरिदै गयो र अन्य समुदाय सरह छोरी लाई पनि पढाउने चलन मुस्लिम समुदायमा पनि बृध्दी भयो । र शुरु भयो नयां षडयन्त्र लुगालाई लिएर र यो विशुध्द पुरुषको सोच लाद्ने क्रमको रुपमा जारी छ ।
कपडा लाई लिएर मुस्लिम समुदायमा संक्रीर्णता थियो नै र छ पनि आफूलाई सहज लाग्ने वा जे लगाउदा आफूमा आत्म विश्वास जाग्दछ त्यो लगाउन छुट छैन । लादिएको सोच का कारण निरन्तर बहस मा छ मुस्लिम महिला को पोशाक यो नेपालमा मात्रै होईन विश्व मा नै यसरी चलि रहेको छ ।
“छोरीले छाती र घुडा ढाकेर हिन्नु पर्छ” । कति आत्तिएनु हुन्छ हो पुरुष दाजु भाईहरु ?
बहस का विषय विश्वमा र देश भित्र अरु पनि छन् । कसरी अधिक भन्दा अधिक राजनितीक, सानुदायिक नेता बनाउन सकिन्छ ?कसरी डाक्टर ईन्जिनीयर वा कानून व्यवसायी शिक्षक बनाउन सकिन्छ ? कसरी हिंसा मुक्त समाज बनाउन सकिन्छ ?
छोरीलाई आफ्नो तरीकाले बांच्न दिनुस् । सक्षमता र आत्मविश्वास को सास फेर्न दिनुस् । कहिले सम्म लादिएका सोचमा बांच्ने छिन हाम्रा छोरीहरु ???
अधिकारकर्मी नागरिक अभियन्ता माहेना अन्सारीको वालबाट साभार
प्रतिक्रिया