काठमाडौं । जनता समाजवादी पार्टीका केहि शिर्ष नेताहरुले निलम्बित सांसद रेसम चोधरीको रिहाईलाई सत्ता समिकरणको प्रमुख एजेण्डा बनाएर सम्बाद चलाईरहेका बेला जसपाकै संघीय परिषद् अध्यक्ष डा. बाबुराम भट्टराईले रेशम चौधरी लगायतका नेताहरूको रिहाइको एजेण्डा सत्ता समिकरणको शर्त बन्न नसक्ने बताएका छन् । उनले आज बिहानै ट्यीटरमा स्टाटस पोष्ट गर्दै सांसद चोधरी लगायत नेताहरुको रिहाइ केपी ओली सरकारलाई समर्थन गर्ने शर्त स्विकार्य नहुने बताएका हुन् ।
जसपाको अध्यक्ष महन्थ ठाकुर पक्ष जेलमा रहेका चौधरीसहितका नेताहरुको रिहाइको शर्तमा ओली सरकारलाई समर्थन गर्ने वा सत्ता समिकरण गर्ने गरि चरणवद्ध छलफल जारी रहेको अवस्थामा नेता भट्टराईको फरक धारणा बाहिर आएको हो।
एमालेको झापा विद्रोहदेखि विप्लवको सशस्त्र गतिविधिसम्मका विषय राजनीतिक मुद्दाका रूपमा हल हुने, तर रेशम चौधरीसहितका थारु विद्रोहका नेताहरु किन रिहाइ नहुने ? भट्टराईले सञ्जालमा प्रश्न गरेका छन् ।
‘रेशम चौधरी लगायतका थारू विद्रोहका नेताहरूको रिहाइको माग प्रतिगमनकारी ओली सरकारलाई समर्थन वा त्यसमा सहभागिताको शर्तमा हैन र हुनसक्दैन,’ भट्टराईले ट्विटरमा लेखेका छन्, ‘एमालेको झापा विद्रोहदेखि विप्लबको सशस्त्र गतिविधिसम्म राजनीतिक मुद्दाका रूपमा हल हुनसक्छन् भने थारूको मात्र किन नहुने ? कुनै भ्रम नरहोस् !’
रेशम चौधरी लगायतका थारू विद्रोहका नेताहरूको रिहाइको माग प्रतिगमनकारी ओली सरकारलाई समर्थन वा त्यसमा सहभागिताको शर्तमा हैन र हुनसक्दैन! एमालेको झापा विद्रोहदेखि विप्लबको सशस्त्र गतिविधिसम्म राजनीतिक मुद्दाका रूपमा हल हुनसक्छन् भने थारूको मात्र किन नहुने?भन्ने हो! कुनै भ्रम नरहोस्!
— Baburam Bhattarai (@brb1954) March 12, 2021
प्रतिक्रिया