महिनाको पहिलो दिनमै सुनको मूल्य तोलामा ४०० ले बढ्यो

काठमाडौं । स्थानीय बजारमा पहेँलो धातु सुनको मूल्य आज तोलामा ४०० रुपैयाँले उकालो लागेको छ ।

चैत महिनाको पहिलो दिन नै छापवाला सुन तोलामा ८६ हजार ६०० रुपैयाँमा कारोवार हुने गरी मूल्य निर्धारण भएको छ ।

फागुन २८ गते अर्थात् शुक्रबार छापवाला सुन तोलामा८६ हजार २०० मा कारोवार भएको थियो । यस्तै तेजाबी सुन आज तोलामा ८६ हजार १५० मा कारोवार हुनेछ । शुक्रबार तेजाबी सुन तोलामा ८५ हजार ७५० रुपैयाँमा कारोवार भएको थियो ।

चाँदीको मूल्य भने स्थिर रहेको छ । चाँदी तोलामा एक हजार २७० रुपैयाँमा कारोवार हुने गरी मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।