काठमाडौं । राष्ट्रिय भेलामा व्यस्त भएकै बेलामा अध्यक्ष एवं प्रधानमन्त्री केपी शर्मा ओलीले संसदीय दलको बैठक राखेपछि माधव-झलनाथ पक्षले आफुनिकट सांसदहरुको भेला राखेका छन् ।
बैठक राष्ट्रिय भेला भैरहेकै स्थल ललितपुरस्थित हेरिटेड गार्डेनमा बोलाइएको छ ।
ओलीले बोलाएको संसदीय दल बैठक बहिस्कार गर्ने बताइसकेको माधव-झलनाथ पक्षले सांसदहरुसँग नयाँ परिस्थितिबारे सुझाव माग्ने जनाएको छ ।
बालुवाटारमा बस्ने संसदीय दलको बैठकमा उपस्थित नहुन माधव-झलनाथ पक्षले निकट सांसदहरुलाई सूचित गरिसकेको छ ।
यो पक्षका सांसदहरु समेत राष्ट्रिय कार्यकर्ता भेलामा सहभागी भएएका छन् ।
ओली पक्षले भने आजको संसदीय दल बैठकमा उपस्थित नहुने सांसदहरुलाई कारवाही गर्ने चेतावनी दिएको छ । प्रधानमन्त्री ओलीले बुधबारसाँझ एक अनलाइनलाई अन्तर्वार्ता दिँदै पार्टीमा गुट खडा गर्नेहरु विरुद्ध एक एक गरी कारवाही गर्ने चेतावनी दिएका थिए ।
प्रतिक्रिया