काठमाडौं । काठमाडौंको दक्षिणकाली नगरपालिकाको चाल्नाखेल जंगलमा भेटिएका दुई युवाको शव कक्षा १० मा पढ्दै गरेका विद्यार्थी भएको खुलेको छ ।
प्रहरीले शवको पहिचान भएको जनाएको हो । मृत्यु भएकामध्ये एक जना काभ्रेपलाञ्चोकका १७ वर्षीय मंगल तामाङ र अर्का एक जना नुवाकोट १६ वर्षीय अर्जुन खड्का भएको प्रहरीले जनाएको छ ।
घटनास्थलमा विषको बट्टा भेटिएका कारण उनीहरुले आत्महत्या गरेको हुनसक्ने प्रहरीले अनुमान गरेको छ । यद्यपी, पोस्टमार्टम पछिमात्र वास्तविकता के हो भन्नेबारे भन्न सकिने प्रहरीको भनाइ छ ।
काठमाडौंको बाङ्गेमुढा बस्ने ती युवा हिजो साथीको घरमा जानेभनेर हिँडेका थिए । उनीहरुको मृत्यु हिजो भएको हो या आज भन्ने खुल्न नसकेको महानगरीय प्रहरी परिसरले जनाएको छ ।
मृतकमध्ये एक जनाको खोल्सामा र एक जनाको डिलमा शव भेटिएको थियो । प्रहरीले घटनास्थललाई घेरावन्दी गरी कुकुरसमेत परिचालन गरेर अनुसन्धान सुरु गरेको छ ।
प्रतिक्रिया