काठमाडौं । नेकपा एमालेको संसदीय दलको बैठकले विधान संशोधन केन्द्रीय मा लैजाने निर्णय गरेको छ।
काठमाडौं । नेकपा एमालेको संसदीय दल बैठकले दलको विधान संशोधन प्रस्ताव केन्द्रीय समितिमा लैजाने निर्णय गरेको छ ।
वालुवाटारमा बसेको संसदीय दलको बैठकले पारित गरेको विधान संशोधन आजै बालुवाटारमा बस्ने केन्द्रीय कमिटी बैठकमा लैजाने निर्णय गरेको हो ।
गत बिहीबार बसेको संसदीय दलको बैठकले सांसदहरु विशाल भट्टराई, शेरबहादुर तामाङ र राष्ट्रियसभा सदस्य विमला राई पौडेल सदस्य रहेको ३ सदस्यीय विधान संशोधन कार्यदल बनाएको थियो। कार्यदलले पेश गरेको प्रस्तावलाई पारित गर्दै त्यसलाई अनुमोदनका लागि केन्द्रीय कमिटीमा लैजाने निर्णय भएको हो ।
बैठकलाई सम्बोधन गर्दै संसदीय दलका नेता एवं प्रधानमन्त्री केपी शर्मा ओलीले गुट भेलाका आयोजकहरुलाई कारवाही गर्ने चेतावनी दिएका थिए । उनले कथित भेलाका आयोजकलाई स्पष्टिकरण सोधेर कारवाही गर्ने बताएका हुन् । ओलीले आत्मालोचना गर्दै सच्चिएर आए मात्र अब सोच्न सकिने बताउँदै अन्यथा कारवाही प्रक्रिया अघि बढाइने बताएका छन् ।
प्रधानमन्त्री ओलीले संसदमा सभामुख सेटिङमा चलेको समेत आरोप लगाएका छन् । सभामुखले सरकारसँग परामर्श नगरेको उनले आरोप लगाए ।
संसदीय दलको बैठकमा वामदेव गौतम र कृष्णभक्त पोखरेल उपस्थित भएका छन् । पोखरेल यसअघि माधव नेपाल समुहका प्रभावशाली नेता हुन् । उनी प्रधानमन्त्री ओलीले संसद विघटन गरेपछि प्रचण्ड नेपाल नेकपाको पक्षबाट निर्वाचन आयोगमा खटाइएका नेता हुन् । चितवनबाट प्रतिनिधिसभामा निर्वाचित पोखरेल कानुनव्यवसायी समेत हुन् ।
प्रतिक्रिया