काठमाडौं । राष्ट्रपति विद्यादेवी भण्डारी बंगलादेश प्रस्थान गरेकी छिन् ।
समकक्षी मोहमम्द अब्दुल हमिदको निमन्त्रणामा दुई दिने राजकीय भ्रमणका लागि राष्ट्रपति भण्डारी बंगलादेश गएकी हुन् । भण्डारी नेपाल एयरलाइन्सको चार्टर विमानबाट बंगलादेश प्रस्थान गरेकी हुन् ।
त्रिभुवन अन्तर्राष्ट्रिय विमानस्थलमा राष्ट्रपति भण्डारीलाई विदाई गर्न उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्नि सापकोटा, राष्ट्रिय सभा अध्यक्ष गणेशप्रसाद तिमल्सिना, उपप्रधानमन्त्री ईश्वर पोखरेल लगायतका व्यक्तित्वहरु पुगेका थिए ।
भण्डारीले बङ्गलादेशका राष्ट्रपिता शेख मुजिबुर रहमानको जन्मशताब्दी विशेष समारोहको अवसरमा आयोजित विशेष कार्यक्रममा भाग लिनेछिन् । उनले बंगलादेशी समकक्षीमोहमद अब्दुल हमिदसँग दुईपक्षीय विषयमा कुराकानी गर्ने कार्यक्रम समेत छ ।
त्यसैगरी भण्डारीले ढाकास्थित नेपाली दूतावास पुगेर त्यहाँ रहेका नेपाली समुदायसँग भेट गर्ने कार्यसूची रहेको छ ।
प्रतिक्रिया