दाङ । दाङको तुलसीपुरमा विद्यार्थी बोकेको बस दुर्घटना भएको छ ।
पब्लिक ज्ञानज्योति माध्यमिक विद्यालयका विद्यार्थी बोकेको बस आज बिहान दुर्घटना हुँदा एक जना विद्यार्थीको मृत्यु भएको छ। मृत्यु हुनेमा तुलसीपुर उपमहानगरपालिका वडा नं. १५ बस्ने १८ वर्षीया सम्झना केसी रहेकी छन् । केसी कक्षा १२ की विद्यार्थी हुन् ।
दुर्घटनामा घाइते केसीको उपचारका लागि सिटी अस्पताल पुर्याउँदै गर्दा बाटैमा मृत्यु भएको प्रहरीले जनाएको छ । यस्तै, दुर्घटनामा अन्य २२ जना विद्यार्थी घाइते भएका छन् ।
गम्भीर घाइते भएका किरण चौधरीलार्य थप उपचारका लागि नेपालगन्ज मेडिकल कलेज कोहलपुर बाँके पठाइएको छ । अन्य २१ विद्यार्थीको स्थानीय अस्पतालमा उपचार भैरहेको छ ।
कक्षा ११ र १२ का विद्यार्थी बोकेको रा १ ख ४३३ नम्बरको बस तुलसीपुर–१५ सरैया डाँडामा दुर्घटनामा परेको थियो। चालकले तिब्र गतिमा बस चलाउँदा सन्तुलन बिग्रेर दुर्घटना भएको प्रहरीले जनाएको छ । बस चालक भने दुर्घटना लगत्तै फरार भएका छन् ।
प्रतिक्रिया