काठमाडौं । संसदको बैठक सुरुहुनु अघि नेकपा माओवादी केन्द्रको स्थायी समिति बैठक जारी छ।
पार्टीको निर्णय बिपरित ओली नेतृत्वको एमालेमा खुलेका नेताहरुलाई सोधिएको स्पष्टिकरण र संसदमा प्रस्तुत हुने रणनीति तय गर्न माओवादी केन्द्रको स्थायी समितिको बैठक बसेको हो । बैठक सिंहदरबारस्थित संसदीय दलको कार्यालयमा बसिरहेको छ ।
बैठकले आन्तरिक संगठन निर्माण, अनुशासन र नयाँ रणनीतिका लागि पार्टीको विधान संशोधन समेत गर्ने एजेण्डा रहेको एक स्थायी समिति सदस्यले बताए ।
बैठकले एमालेमा खुलेका माओवादी केन्द्रका नेताहरूलाई कारबाहीबारे पनि निर्णय गर्ने अनुमान गरिएको छ।
सवोच्च अदालतले एमाले र माओवादी केन्द्रलाई छुट्टाछुट्टै अस्तित्वका साथ ब्युँताईदिएपछि गृहमन्त्री रामबहादुर थापा, ७ मन्त्रीसहित २३ माओवादी केन्द्रका नेता एमाले खुलेका छन् । जसलाई एमाले अध्यक्ष तथा प्रधानमन्त्री केपी शर्मा ओलीले आफ्नो पार्टीको केन्द्रीय सदस्य बनाएका छन्।
माओवादी केन्द्रले ती नेताहरुलाई पार्टीबाट निस्काशन गरेमा उनीहरु मध्य धेरैको सांसद पद खारेज हुने छ ।
प्रतिक्रिया