काठमाडौं । नेकपा एमालेका उपाध्यक्ष भीम रावलले प्रधानमन्त्री केपी शर्मा ओली आफ्नो सत्ता जोगाउन विदेशीसँग साँठगाँठ गरिरहेको आरोप लगाएका छन् ।
सामाजिक सञ्जाललमार्फत बुधबार बिहान नेता रावलले ओलीले सत्ता र कुर्ची जोगाउन देशको अस्मितासँग खेलिरहरको आरोप लगाएका हुन् ।
रावलले भनेका छन्, ‘प्रमं केपी ओली सत्ता र कुर्सी जोगाउन नेपालको अस्मितासँग गाँसिएको नागरिकता लगायतका नेपालको दीर्घकालीन हितसँग सम्बन्धित विषयमा प्रतिकूल असर पर्ने गरी विभिन्न शक्तिहरूसंग साँठगाँठ गर्न तल्लीन हुनुहुन्छ । देशभक्त नेपाली सजग होअौं !’
प्रमं केपी ओली सत्ता र कुर्सी जोगाउन नेपालको अस्मितासंग गाँसिएको नागरिकता लगायतका नेपालको दीर्घकालीन हितसंग सम्बन्धित विषयमा प्रतिकूल असर पर्ने गरी विभिन्न शक्तिहरूसंग साँठगाँठ गर्न तल्लीन हुनुहुन्छ । देशभक्त नेपाली सजग होअैां !
— Bhim Rawal, PhD (@BhimRawal179) March 24, 2021
रावलको पछिल्लो अभिव्यक्तिलाई सत्तारुढ नेकपा एमालेभित्र देखिएको चरम अन्तर्संघर्षको पछिल्लो रुपको रुपमा लिइएको छ । रावललाई एमाले अध्यक्ष एवं प्रधानमन्त्री ओलीले पार्टीबाट कारवाही गर्नका लागि स्पष्टीकरण सोधेका छन् ।
रावलले भने पार्टी विधान मिच्ने काम अध्यक्ष ओलीबाट भएको हुँदा उनैले पार्टी र जनतालाई स्पष्टीकरण दिनुपर्ने माग गरेका छन् ।
प्रतिक्रिया