काठमाडौं । नेकपा एमालेको माधवकुमार नेपाल पक्ष संसदीय दलको बैठकमा सहभागी हुने भएको छ ।
काठमाडौंको कलंकीस्थित एक पार्टी प्यालेसमा बसेको नेपाल पक्षधर केन्द्रीय सदस्यहरुको बैठकले संसदीय दलको बैठकमा सहभागी हुने निर्णय गरेको हो ।
प्रधानमन्त्री एवं पार्टी अध्यक्ष केपी शर्मा ओलीले आजै दिउँसो ३ बजे संसदीय दलको बैठक बोलाएका छन् ।
नेपाल पक्षीय केन्द्रीय सदस्यहरुको बैठकले पार्टीको स्थायी कमिटी, पोलिटब्यूरो र केन्द्रीय कमिटीको बैठक बोलाउन माग गर्ने निर्णय समेत गरेको छ । यद्यपी, यो मागलाई ओली पक्षले ठाडै अस्वीकार गर्ने प्रष्टै छ ।
सर्वोच्च अदातलले नेकपा खारेज गर्दै गत फागुन २३ गते नेकपा एमाले ब्युँताइदिएपछि सो पार्टीमा ओली पक्ष र नेपाल खनाल पक्षबीच तिब्र अन्तर्संघर्ष चलिरहेको छ । अध्यक्ष एवं प्रधानमन्त्री ओलीले नेपाल पक्षधरहरुलाई पार्टीबाट निस्काशनको प्रक्रिया अघि बढाएका छन् ।
प्रतिक्रिया