काठमाडौं । काठमाडौंमा जारी त्रिदेशीय फुटबल लिग प्रतियोगितामा आज नेपालले बंगलादेशसँग प्रतिस्पर्धा गर्दैछ ।
आफ्नै घरेलु मैदानमा जारी प्रतियोगिताको पहिलो खेलमा किर्गिस्तानको अण्डर ट्वान्टी थ्री ओलम्पिक टिमसँग गोलरहित बराबरी खेलेको नेपालको लक्ष्य बंगलादेशबिरुद्ध जित निकाल्दै फाइनलमा स्थान बनाउने रहेको छ ।
नेपाल र किर्गिस्तानबीचको बराबरीपछि बंगलादेश फाइनलमा प्रवेश गरेको थियो । नेपाल र किर्गिस्तानको समान एक एक अंक रहेको छ भने बंगलादेशले ३ अंक जोड्न सफल भएको छ ।
राउन्ड रोबिन लिगपछि शीर्ष २ टोलीले चैत १६ गते फाइनल खेल्नेछन । विजेता टोलीले ५ हजार र उपविजेता टोलीले ३ हजार अमेरिकी डलर पुरस्कार स्वरुप प्राप्त गर्नेछ ।
प्रतिक्रिया