नेपालगन्ज । पत्रकार महासंघको निर्वाचनको मिति नजिकिंदै जाँदा सदस्यताको कारण देखाउँदै बाँकेमा पत्रकार महासंघको कार्यालयमा तालाबन्दी गरिएको छ । सत्तारुढ एमाले निकट प्रेस चातारीले महासंघको मुल ढोकामा ताला लगाएको हो ।
महासंघको जिल्ला शाखाले सिफारिस गरेको नयाँ सदस्यहरु नामको सट्टा अर्के नाम मतदाता नामावलीमा थपिएर आएको भन्दै महासंघको मुल ढोकामा ताला लगाएको प्रेस चौतारी लुम्बिनी प्रदेश सह ईन्चार्ज रुद्र सुबेदीले बताए । जिल्ला शाखाले १८ जना क्रियाशिल पत्रकारको सदस्यताको सिफारिस गरेकोमा केन्द्रबाट नामावली प्रधाशन गर्दा थप नगरिएपछि तालाबन्दी गरिएको उनले बताए । शाखाको सिफारिसको नाम समावेश नगरि युनियनका एक नेताको सिफारिसको नाम समावेश भएर आएको सुबेदीले बताए ।
शाखामा तालाबन्दी गर्न सुबेदी सहित पत्रकार महासंघ बाँकेका संस्थापक अध्यक्ष लियाकत अलि, चौतारीका केन्द्रीय नेता शिव डोटेल, जिल्ला अध्यक्ष हेमन्त बिक लगायतका नेताहरु महासंघको कार्यालय पुगेका थिए । चौतारीबाटै प्रतिनिधित्व गर्दै अध्यक्ष बनेका ठाकुरसिंह थारु भने तालाबन्दीका बेला देखिएनन् ।
महासंघ बाँकेका सचिव तिलक गाँउलेले महासंघको अध्यक्ष र सचिवको संयुक्त हस्ताक्षर गरि महासंघको आधिकारीक मेलबाट गएको सिफारिसलाई बेवास्ता गरि अनाधिकृतरुपमा युनियन नेता प्रेम केसी र शुक्रऋषी चौलागाईको ब्यक्तिगत सिफारिसलाई केन्द्रले मान्यता दिएको बताए ।
बाँकेमा सदस्यता बिबाद भएपछि शाखा साधारण सभाले विवादको समाधान खोजी शाखालाई प्रतिबेदन दिन युनियन नेता प्रेम केसीको संयोजकत्वमा कार्यदल बनेको थियो । केसीले कार्यदलको संयोजकको हैसियतले अनाधिकृत सिफारिस गरेको गाँउलेले बताए ।
प्रतिक्रिया