काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले सर्वोच्च अदालतमा दिएको न्यायिक पुनरावलोकन निवेदन प्रधानन्यायाधीस चोलेन्द्र शमशेर जबरा आफैले हेर्नेभएका छन् ।
गत फागनु २३ गते सर्वोच्च अदालतले नेपाल कम्युनिष्ट पार्टी (नेकपा) खारेज गर्दै एमाले र माओवादी केन्द्र ब्युँताउने फैसलामा चित्त नबुझेको भन्दै प्रचण्डले सर्वोच्चमा पुनरावलोकन निवेदन दर्ता गराएका थिए ।
सो निवेदनमाथि प्रधानन्यायाधीश राणाले आफ्नै इजलासबाट हेर्ने भएका छन् । प्रधानन्यायाधीस राणासहित, न्यायाधीशहरू तेजबहादुर केसी र प्रकाशकुमार ढुंगानाको इजलासले सुनुवाइ गर्दैछ। यही इजलासले फैसला पुनरावलोकन गर्ने या नगर्ने भन्ने निर्णय दिनेछ । पुनरावलोकन गर्न आवश्यक ठाने इजलासले आजै निस्सा दिनेछ। निस्सा पाएमा मात्र यो मुद्दामा पुनः बहस हुनेछ । निस्सा नदिएमा भने यसअघिकै फैसला सदर हुनेछ।
प्रचण्डले रिट निवेदकले माग्दै नमागेको विषयमा सर्वोच्च अदालत प्रवेश गरेर संविधान र सर्वोच्चकै संवैधानिक इजलासको नजिर विपरित फैसला भएको जिकिर गरेका छन् । उनले सो फैसला अन्यायपूर्ण र राजनीतिक उद्देश्ययुक्त भएको जनाएका छन् ।
प्रतिक्रिया