काठमाडौं । पार्टीको नाम नेपाल कम्युनिष्ट पार्टी (नेकपा) प्राप्तिका लागि दुईवटा कम्युनिष्ट पार्टीकाबीच शब्द भिडन्त चलिरहेका बेला सर्वोच्च अदालतले नेपाल कम्युनिस्ट पार्टी (नेकपा) ‘नाम’ का विरूद्ध परेको रिटको आज फैसला सुनाउने तयारी गरेको छ ।
सर्वोच्च अदालतले गत फागुन २० गते निर्णय सुनाउने मिति तय गरेको भएपनि अदालतको बिदा परेका कारण निर्णय आएको थिएन । अदालतको कार्यसूचिमा आज निर्णय गर्ने गरी तय गरिएको छ । न्यायाधीशहरू बमकुमार श्रेष्ठ र कुमार रेग्मीको इजलासले नेपाल कम्युनिष्ट पार्टी (नेकपा) आफ्नो पार्टीको भएको दाबी गर्दै ऋषि कट्टेलले निदेबन उपर फैसला सुनाउनेछन् ।
तत्कालीन नेकपा ९एमाले० र नेकपा (माओवादी केन्द्र)बीच एकीकरण भएर तीन वर्षअघि पार्टीको नाम नेपाल कम्युनिस्ट पार्टी (नेकपा) बनाएपछि उक्त नाममा ऋषि कट्टेल अध्यक्ष रहेको नेकपाले दाबी गर्दै अदालतमा रिट निवेदन दर्ता गराएको थियो ।
आफ्नो पार्टीको नाममा अर्को पक्षलाई बैधता दिएको भन्दै निर्वाचन आयोग र सत्तारूढ नेकपाविरूद्ध कट्टेलले सर्वोच्चमा रिट दायर गरेका थिए ।
२०७५ मंसिर २१ गते दायर भएको यो रिटमा सर्वोच्चले २०७५ मंसिर २५ गते कारण देखाउ आदेश दिएको थियो । त्यसयता पटकपटक पेशी तोकिए पनि अन्तिम समयमा स्थगित हुँदै आएको मुद्दामा सर्वोच्च अदालतले लामो प्रतीक्षापछि फैसला दिन लागेको हो ।
प्रतिक्रिया