काठमाडौ । पुर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले आफ्नो पार्टी ओली सरकारमा नजाने प्रष्ट पारेका छन् ।
विहीबार सामाजिक संजालमा ट्विट गदै डा भट्टराईले ‘जसपाले ओली सरकारको घाँस खान्न चेतना भया’ भन्दै सरकारमा नजाने प्रष्ट पारेका हुन् ।
रेशम चौधरी लगायतका राजवन्दीको रिहाइलाई प्रतिगमनकारी ओलीको सरकारमा जाने कुरासंग नजोडियोस्!के बन्दी बिपीको रिहाइ माग गर्ने कांग्रेस राणातन्त्रमा सहभागी भएको थियो!के आफ्ना नेताकार्यकर्ताको रिहाइ माग गर्ने कांग्रेस/कम्युनिष्ट पंचायत छिरेका थिए?जसपाले ओलीतन्त्रको घाॅस खान्न!चेतना भया!
— Baburam Bhattarai (@brb1954) April 1, 2021
डा. भट्टराईले भनेका छन्, ‘रेशम चौधरी लगायतका राजवन्दीको रिहाइलाई प्रतिगमनकारी ओलीको सरकारमा जाने कुरासंग नजोडियोस, बन्दी बिपीको रिहाइ माग गर्ने कांग्रेस राणातन्त्रमा सहभागी भएको थियो ? के आफ्ना नेताकार्यकर्ताको रिहाइ माग गर्ने कांग्रेस र कम्युनिष्ट पंचायत छिरेका थिए ।’
भट्टराईले अर्को ट्वीट गर्दै प्रतिगमनको खतरा नटरेको जिकिर गर्दै प्रतिगमनकारीसँग लेनदेन गरेर क्षणिक लाभ लिन नहुने बताएका छन् । उनले क्षणिक लाभ नलिइ उसलाई विदा गरेर संविधान रलोकतन्त्रको रक्षा गर्दै थप अग्रगमनको दिशामा लाग्ने दुइ विकल्प अगाडि छन् रहेको स्पष्ट पारेका छन् । उनले भनेका छन्, ‘पहिलो बाटो तुलसी गिरी र केशरजंग रायमाझीको र दोश्रो बाटो बिपी र पुष्पलालको हो । वुद्धि र विवेकको प्रयोग गरेर आफै रोजौं !
प्रतिगमनको खतरा टरेको छैन!प्रतिगमनकारीसंग लेनदेन गरेर क्षणिक लाभ लिने कि उसलाई विदा गरेर संविधान/लोकतन्त्रको रक्षा गर्दै थप अग्रगमनको दिशामा लाग्ने दुइ विकल्प अगाडि छन्!पहिलो बाटो तुलसी गिरी/केशरजंग रायमाझीको र दोश्रो बाटो बिपी/पुष्पलालको हो!वुद्धि/विवेकको प्रयोग गरेर आफै रोजौं!
— Baburam Bhattarai (@brb1954) March 27, 2021
प्रतिक्रिया