पत्रकार महासंघको अध्यक्षमा विपुल पोखरेलको प्यानलै निर्वाचित, औपचारिक घोषणा हुन बाँकी

काठमाडौं । नेपाल पत्रकार महासंघको अध्यक्षमा विपुल पोखरेल विजयी भएका छन् ।

औपचारिक रुपमा नुवाकोट लगायतका ५ जिल्लाको मतगणना परिणाम आउन बाँकी रहे पनि पोखरेल विजयी भएका हुन् । उनले २ हजार १ सय बढीको अग्रता लिएका छन् । सबै जिल्लाको मत आएपछि मात्रै निर्वाचन समितिले औपचारिक घोषणा गर्नेछ ।

नेपाल प्रेस युनियन, प्रेस संगठन नेपाल र प्रेस चौतारीको माधव नेपाल पक्षसहित ११ संगठनको संयुक्त प्यानलका अधिकाशं उम्मेदवार विजयी भएका छन् । महासचिवमा रोशन पुरी विजयी भएका छन् ।

प्रेस चौतरीकै ओली पक्ष र जनता समाजवादी पार्टी निकट प्रेस मञ्च, विप्लव समर्थित जनपत्रकार संघसहित ९ वटा समुहको नेतृत्व गरेकी निर्मला शर्मा पोखरेलको निकटतम प्रतिद्वन्द्वी बनेकी छिन् ।

यसैगरी स्वतन्त्र रुपमा अध्यक्षमा उम्मेदवारी दिएका गजेन्द्र बुढाथोकीले पनि केही मत प्राप्त गरेका छन् ।