जनकपुर । नेकपा एमालेको आन्तरिक विवाद उत्कर्षमा पुगेसंगै जिल्ला जिल्लामा समानान्तर कमिटी बनाउने देखि बहुमत पुगेको स्थानमा एकले अर्कालाई निस्काशन गर्ने होड चलेको छ । एकले अर्काले निषेध गर्ने पछिल्लो कडिकारुपमा प्रदेश नम्बर २ प्रदेशसभामा नेपाल पक्षका सांसदहरुले ओली पक्षका संसदीयदलको नेतालाई हटाएर आफ्नो पक्षका सांसदलाई संसदीयदलको नेता चयन गरेको छ ।
नेपाल पक्षको बहुमत रेको प्रदेश नम्बर २ को प्रदेशसभामा आज बसेको एमाले संसदीयदलको बैठकले संसदीयदलका नेता सत्यनारायण मण्डललाई हटाएर सत्रुघन महतोलाई चयन गरेको छ । ६ महिनापछि बस्न लागेको प्रदेश सभाको बैठक अघि नेपाल पक्षले उपनेता रविन्द्र बैठा, प्रमुख सचेतक सुन्दर विश्वकर्मा र सचेतक बेची लुङ्गेलीलाई चयन गरेको छ ।
प्रदेश सभामा एमालेको २१ सांसद रहेकोमा नेपाल पक्षमा १३ जना सांसद रहेका छन् ।
सांसदहरुको जिम्मेवारी फेरबदलका समबन्धमा संसदीयदलले आजै सभामुख सरोज कुमार यादवलाई पत्र बुझाएको छ ।
प्रतिक्रिया