सरकारले बिद्यार्थी विद्यालय नपठाउन अभिभावक गुहारेपछि नेपालगन्ज उपमहागरमा ७ दिन बिद्यालय बन्द गर्ने निर्णय

खबर कुरा
२ बैशाख २०७८, बिहीबार

नेपालगन्ज । सरकारले निरिहिता देखाउँदै बिद्यालय बन्द गर्न नसकेर अभिभावकलाई बालबालिका बिद्यालय नपठाउन आग्रह गरेपछि नेपालगन्ज उपमहानगरपालिकाले आफै एक साताकालागि उपमहानगर क्षेत्रका बिद्यालयहरु बन्द गर्ने निर्णय गरेको छ । जिल्लामा दिनदिनै कोरोना संक्रमण बढेपछि उपमहानगरपालिकाले एक साताका लागि विद्यालय बन्द गर्ने निर्णय गरेको हो ।

उपमहानगरका शिक्षा शाखा प्रमुख गोर्खबहादुर थापाका अनुसार उपमहानगरपालिकाका प्रमुख धवलशमशेर जबराको अध्यक्षतामा बिहीबार बसेको नेपालगञ्ज उपमहानगरपालिका विपद् व्यवस्थापन समितिको बैठकले आइतबारदेखि एक साताका लागि विद्यालय बन्द गर्ने निर्णय गरेको हो ।

एकाएक संक्रमण उच्च गतिमा बढेपछि उपमहानगरपालिकाभित्रका विद्यालय बन्द गर्ने निर्णय गरिएको उनले बताए । शिक्षा स्वास्थ्य मन्त्रालयले आजै मात्र कोरोनाको अति जोखिम जिल्लाकरुपमा रहेका बाँके सहित १४ जिल्लाका बिद्यालय बन्द गर्न आग्रह गरेको थियो । सरकारले भने बिद्यालय बन्द गर्न आग्रहसँगै अभिभावकलाई बालबालिका बिद्यालय नपठाउन आह्वान समेत गरेका थियो ।

बाँकेमा बुधबार एकैदिन १२३ जनामा कोरोना संक्रमण पुष्टि भएको थियो । बाँकेमा कोरोना उपचारका लागि रहेको भेरी अस्पतालको कोरोना वार्ड पुरै भरिएपछि अस्पतालले थप उपचार गर्न नसक्ने बताईसकेको छ ।

विपद् व्यवस्थापन समितिको बैठकले जिल्लाभरका सम्पूर्ण शैक्षिक संस्था बन्द गर्न जिल्ला कोभिड(१९ संकट व्यवस्थापन केन्द्रको बैठकमा प्रस्ताव लैजानेसमेत निर्णय गरेको छ ।

यसमा तपाइको मत

Your email address will not be published. Required fields are marked *


*