नेपालगन्ज । बाँकेको कोहलपुरमा यात्रुवाहक बस र टिप्पर ठक्कर खाँदा ५ जनाको ज्यान गएको छ । शुक्रबार बेलुका भएको सवारी दुर्घटनामा ५ जनाको ज्यान गएको हो ।
कोहलपुर नगरपालिका १२ रोहिणी खोला नजिकै यात्रुबहाक बस र टिप्पर एकआपसमा ठक्कर खाँदा ५ जनाको मृत्यु भएको इलाका प्रहरी कार्यालय कोहलपुरले जनाउको छ । बेलुका सवा ६ बजेको समयमा सुर्खेतबाट धरानतर्फ हिडेको मे १ ख ३३४७ नम्बरको बस र सम्शेरन्जबाट कोहलपुर तर्फ आउँदै गरेको अन टेष्ट टिप्पर एक आपसमा ठोक्कीएका थिए ।
दुर्घटनामा एक जनाको घटनास्थलमै र अन्य ४ जनाको उपचारकालागि नेपालगन्ज मेडिकल कलेज शिक्षण अस्पताल कोहलपुरमा मृत्यु भएको हो । ४२ जना घाईतेहरुको नेपालगन्ज मेडिकल कलेज शिक्षण अस्पताल कोहलपुरमा उपचार भईरहेको छ । २ जनाको अवस्था अझै गम्भिर रहेको प्रहरीले जनाएको छ ।
पुर्णरुपमा क्षतीग्रस्त बस र टिप्परभित्र रहेका घाईतेहरुको जनपथ प्रहरी, शसस्त्र प्रहरी र नेपाली सेनाले उद्दार गरेको थियो ।
प्रतिक्रिया