बुटवल । अविश्वास प्रस्ताव दर्ता लगत्तै लुम्बिनी प्रदेशका मुख्यमन्त्री शंकर पोखरेलले मन्त्रिपरिषद् पुनर्गठन गरेका छन् ।
नेकपा माओवादी सरकारबाट बाहिरिएसँगै पोखरेलले मन्त्रिपरिषद् पुनर्गठनको निर्णय गरेका हुन् ।
मुख्यमन्त्री शंकर पोखरेल विरुद्ध अविश्वासको प्रस्ताव दर्ता गरेकै दिन जनता समाजवादी पार्टीका सांसदहरु पोखरेल नेतृत्वकै सरकारमा सहभागी हुने भएका छन ।
अविश्वास प्रस्तावमा हस्ताक्षर गरेका जसपाका सांसदहरु विजय यादव सन्तोष पाण्डे र कल्पना पाण्डे र सुमन रायमाझी मन्त्री बन्ने टुंगो लागि सकेको मुख्मन्त्रीका प्रेस सल्लाहकार शेरबहादुर केसीले जानकारी दिए ।
केसीले नवनियुक्त मन्त्रीहरुको शपथ ४ बजे हुने बताएसंगै सो कार्यक्रममा पत्रकारहरूलाइ निम्तो समेत दिएका छन् ।
माओवादी केन्द्रका दुई जना मन्त्रीले राजिनामा दिएपछि रिक्त रहेका आन्तरिक मामिला तथा कानुन मन्त्रालय र सामाजिक बिकास मन्त्रालयसंगै अन्य दुई मन्त्रालयमा नयाँ मन्त्री नियुक्ति गर्न लागेका हुन् ।
लुम्विनी प्रदेश सरकारले सामाजिक बिकास मन्त्रालय विभाजन गरेर अरु २ मन्त्रालय बनाउने तयारी गरी रहेको छ ।
प्रतिक्रिया