काठमाडौ । नेकपा एमालेका अध्यक्ष केपी शर्मा ओलीले यस अघि नै पार्टीको सदस्यबाट निलम्बन गरेका वरिष्ठ नेता माधव नेपाल सहित थप २० जना एमाले नेताहरुलाई एमालेको महाधिवेश आयोजक कमिटीले कडा स्पष्टीकरण सोध्ने भएको छ ।
प्रधानमन्त्री निवास बालुवाटारमा जारी एमाले महाधिवेशन आयोजक समितिको बैठकले नेपाल सहित २० जना अन्य नेताहरुसँग कडा स्पष्टीकरण सोध्ने बैठकमा सहभागी एक केन्द्रीय सदस्यले बताए ।
आज बालुवाटारमा जारी बैठकले यसअघि नै कारबाहीमा परेका पार्टीका वरिष्ठ नेता माधवकुमार नेपाल, उपाध्यक्ष भीम रावल, उपमहासचिव घनश्याम भुसाल र स्थायी समिति सदस्य सुरेन्द्र पाण्डेलाई थप कारबाही गर्ने र अन्य १६ जना नेतालाई पनि कारबाही गर्ने भएको हो।
कारवाहीको लिष्टमा एमाले कर्णाली प्रदेशका प्रभावशाली नेता प्रकाश ज्वाला सहित १६ जनाको नाम दर्ज भएको ती नेताले बताए ।
आज सोधिएको स्पष्टीकरणमा चित्तबुझ्दो स्पष्टीकरण नआएमा बैशाख १० गते बस्ने बैठकबाट उनीहरुलाई कारवाही गर्ने एमालेको ओली पक्षले तयारी गरेको छ ।
गत पुसमा बसेको ओलीपक्षीय केन्द्रीय समितिको एउटा बैठकले १५ सय १ जनालाई केन्द्रीय सदस्य बनाउने निर्णय गरेको थियो।
सो १५ सय १ जनाको समितिलाई अब राष्ट्रिय प्रतिनिधि परिषद बनाउने निर्णय पनि सो बैठकले गरेको छ।
प्रतिक्रिया