काठमाडौं । लामो समय सम्वादहीनताका साथ अगाडि बढेका प्रधानमन्त्री एवं नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीच आज एक्कासी भेटवार्ता भएको छ ।
काठमाडौंको नागपोखरीस्थित मेरियट होटलमा भएको अध्यक्ष ओली नेपालबीच केहीबेरअघि भेटवार्ता सकिएको छ ।
करिव २ घण्टा भएको भेटवार्तामा भएको छलफलको बिषय दुबै पक्षले सार्वजानिक गरेका छैनन् । पौने ७ बजे दुबै नेताहरु होटलबाट बाहिरिएका थिए । प्रतिक्रिया लिन होटल बाहिर पर्खिरहेका सञ्चारकर्मीहरुलाई उनीहरुले कुनै प्रतिक्रिया नदिई हिंडेका थिए ।
भेटमा अर्थमन्त्री विष्णु पौडेल र प्रधानमन्त्रीका आर्थिक सल्लाहकार मोतिलाल दुगड पनि सहभागी थिए ।
होटलबाट बाहिरिँदा दुबै नेता खुसीको मुद्रामा बाहिरिएकाले भेटवार्ता सकारात्मक भएको दुगडले बताए ।
प्रतिक्रिया