नेपालगन्ज । बाँकेमा आज पनि ३ जनाको कोरोना संक्रमणका कारण मृत्यु भएको छ । बाँकमा उपचाररत एक जना जिल्ला बाहिरका र २ जना जिल्ला भित्रकै संक्रमितको मृत्यु भएको डीसीसीएमसी बाँकेले जनाएको छ ।
२ जनाको बिहिबार राती र १ जनाको आज बिहान मृत्यु भएको डीसीसीएमसी बाँकेका कोरोना फोकल पर्शन तेज ओलीले बताए । ओलीका अनुसार नेपालगन्ज मेडिकल कलेज कोहलपुरमा उपचाररत बनगाड(३ सल्ल्यानका ५६ वर्षिय विर वहादुर नेपाली, जानकी ( १ की ७१ वर्षिया महिला सुमन पाठक र बैजनाथ ( ६ का २८ वर्षिय मानबहादुर पुनको कोरोना संक्रमणका कारण मृत्यु भएको हो ।
सल्यानका नेपाली र बाँकेकी पाठकको बिहिबार राती मृत्यु भएको थियो भने बाँककै पुन आज बिहान मृत्यु भएको हो ।
मृतकहरुको शव ब्यवस्थापनका लागि परिवारका सदस्य र नेपाली सेनासँग समन्वय भईरहेको फोकलपर्शन ओलीले जनाएका छन् ।
प्रतिक्रिया