काठमाडौं । काठमाडौं उपत्यकामा कोरोना संक्रमणको दर उच्च हुँदै गएपछि त्यस सम्बन्धमा छलफल गर्न उपत्यकाका तीनवटै जिल्लाका प्रमुख जिल्ल अधिकारीहरुको आज बैठक बस्ने भएका छन् । कोरोना महामारीका बिषयमा उपयुक्त निर्णय गर्ने सम्बन्धमा काठमाडौं, ललितपुर र भक्तपुरका प्रमुख जिल्ला अधिकारीहरुको (सीडीओ) बैठक हुने भएको हो । प्रजिअहरुको बैठकले उपत्यकामा लकडाउनको निर्णय हुन सक्ने अनुमान गरिएको छ ।
यसअघि उपप्रधानमन्त्री ईश्वर पोखरेल संयोजक रहेको कोभिड १९ संकट व्यवस्थापन केन्द्र (सीसीएमसी) ले ५ सयभन्दा बढी संक्रमित रहेका शहरी जिल्लामा निशेधाज्ञा जारी गर्न सरकारलाई सिफारिस गरिसकेको छ ।
स्वास्थ्य मन्त्रालयले दिएको तथ्यांकमा काठमाडौं, ललितपुर र भक्तपुरमा कोरोना संक्रमितहरूको संख्या ५ सय नाघिसकेको छ ।
प्रतिक्रिया