काठमाडौं । नेकपा एमालेका वरिष्ठ नेता माधवकुमार नेपाल, भीम रावल, घनश्याम भुसाल र सुरेन्द्र पाण्डेले दायर गरेको रिटमा सर्वोच्च अदालतले अन्तरिम आदेश दिन अस्वीकार गरेको छ ।
न्यायाधीस प्रकाश कुमार ढुंगानाको एकल इजालसले पार्टीमा अध्यक्ष केपी शर्मा ओलीले गर्न लागेको गैरकानूनी कारवाही राक्न माग गर्दै दायर एमाले नेताहरुको रिटमा अन्तरिम आदेश दिन अस्वीकार गरेको हो ।
पार्टीले कारबाही गरी नसकेका हुँदा अन्तरिम आदेश दिन आवश्यक नभएको सर्वोच्चको आदेशमा उल्लेख गरिएको छ ।
तर सर्वोच्चले निर्वाचन आयोग, एमाले अध्यक्ष केपी शर्मा ओली, सभामुख अग्निप्रसाद सापकोटा, संघीय संसद सचिवालय र एमाले महासचिव ईश्वर पोखरेललाई १५ दिनभित्र उक्त मुद्दामा उठाइएका विषयमा जवाफ दिन आदेश गरेको छ ।
प्रतिक्रिया