नेपालगन्ज । बाँकेमा पछिल्लो १२ घण्टामा ३ जनाले कोरोना संक्रमणका कारण ज्यान गुमाएका छन् । बाँकेमा ज्यान गुमाउनेहरुमा २ जना बाँकेका र एक जना जिल्ला बाहिरका हुन् ।
डीसीएमसी बाँकेले दिएको जानकारी अनुसार नेपालगंज-३ का २६ बर्षिय पुरुषको सोमबार राती ८ः३० बजे मृत्यु भएको छ । उनको नेपालगन्ज नर्सिङ होमको प्रि आइसोलेसनमा मृत्यु भएको हो । त्यस्तै कोहलपुर-१ की ६० बर्षिया महिलाको मध्याराती २:४० बजे मृत्यु भएको छ । उनको भेरी अस्पतालमा मृत्यु भएको हो । दाङ तुलसिपुरबाट उपचारका लागि नेपालगन्ज मेडिकल कलेज भजर्न भएका ७४ वर्षिया महिलाको आज बिहान ६:२० बजे मृत्यु भएको बाँकेका कोरोना फोकलपर्शन तेज ओलीले जानकारी दिए ।
आज मृत्यु भएको तथ्यांकसँगै बाँकेमा कोरोना संक्रमणबाट मृत्यु हुनेको संख्या ९२ पुगेको छ भने बाँकेमा उपचारका क्रममा मृत्यु भएका बाँके बाहिरका मृतकको संख्या १०६ पुगेको छ ।
प्रतिक्रिया