जिल्ला प्रहरी कैलालीको हिरासतमा रहेका २० थुनुवामा कोरोना संक्रमण

कैलाली । सुदुर पश्चिम प्रदेशको राजधानी कैलालीको जिल्ला प्रहरी कार्यालयको थुनुवा कक्षभित्रै कोरोना संक्रमणले प्रवेश पाएको छ । जिल्ला प्रहरी कार्यालयको थुनुवा कक्षमा रहेका ६२ जना थुनुवाको पीसीआर परीक्षण गर्दा २० जना थुनुवामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा गरिएको पीसीआर परीक्षणमा २० जना थुनुवामा संक्रमण देखिएको हो ।

मंगलबार आएको पीसीआर परीक्षणको रिपोर्टमा २० जना थुनुवाको रिपोर्ट पोजिटिभ आएको जिल्ला प्रहरी कार्यालय कैलालीले जनाएको छ । प्रहरीका अनुसार संक्रमण पुष्टि हुनेहरु सबै पुरुष थुनुवा हन् ।

संक्रमण पुष्टि भएकाहरुको अवस्था सामन्य रहेको र उनीलाई आइसोलेशनमा राखिएको जिल्ला प्रहरी कार्यालय कैलालीका प्रवक्ता नयाव प्रहरी उपरिक्षक भरत चौधरीले बताए ।