नेपालगन्ज । बाँकेमा एकै रात ५ जना कोरोना संक्रमितको मृत्यु भएको छ । भेरी अस्पताल र नेपालगन्ज मेडिकल कलेजमा उपचाररत ५ जनाको ८ घण्टाका बीच मृत्यु भएको पीसीसीएमसी बाँकेले जनाएको छ ।
डीसीसीएमसी बाँकेले दिएको जानकारी अनुसार नेपालगन्ज ४ का ६० वर्षिय पुरुषको बुधबार राती ९ बजे भेरी अस्पतालमा मृत्यु भएको थियो भने सोहि समयमा नेपालगन्ज मेडिकल कलेजमा कोहलपुर ११ की ४३ वर्षिया महिलाको मृत्यु भएको थियो । त्यसैगरि भेरी अस्पतालमा बुधबार राती १० बजे नेपालगन्ज ९ का ४२ वर्षिय पुरुषको मृत्यु भएको थियो भने भेरी मै मध्यराती बर्दिया बढैयातालका ३२ वर्षिया पुरुषको राती १ः३० बजे मृत्यु भएको छ । भेरी अस्पतालमै नेपालगन्ज ५ का ५५ वर्षिय पुरुषको पनि बिहान ५ः३० बजे मृत्यु भएको बाँकेका कोरोना फोकलपर्शन तेज ओलीले जनाएका छन् ।
आज मृतक थपिएसँगै बाँके जिल्लामा कोरोना संक्रमणबाट मृत्यु हुनेको संख्या १०६ पुगेको छ भने बाँकेमा उपचारका क्रममा मृत्यु भएका बाहिरी जिल्लाको मृत्यू संख्या १०९ पुगेको छ ।
प्रतिक्रिया