बाँकेमा ४९६ संक्रमित थपिँदा २४४ जना कोरोना मुक्त, दिनभरीमा ६ जना संक्रमितको मृत्यु

नेपालगन्ज । पछिल्लो २४ घण्टामा बाँकेमा ४९६ जना नयाँ कोरोना संक्रमित थपिएका छन् भने पछिल्लो १२ घण्टामा ६ जनाको मृत्यु भएको छ । बाँकेमा आज २४४ जनाले कोरोना भाइरसलाई नितेर घर फर्केका छन् ।

बाँकेमा ३ वटा प्रयोगशाला र सिमानाकामा गरिएको एन्टिजेन परीक्षणबाट ४९६ जना संक्रमित थपिएका हुन् । भेरी अस्पतालको प्रयोगशालामा २८८ नमुनामा २१४ जनामा कोरोना पुष्टि भएको छ भने नेपालगन्ज मेडिकल कलेजको प्रयोगशालामा १५२ नमुनामा १२८ जनामा संक्रमण पुष्टि भएको छ । त्यसैगरि बागेश्वरी प्रयोगशलामा १८० नमुनामा १५२ जनामा र सिमानाका जमुनाहामा ३४ जनालाई एन्टिजेन परीक्षण गर्दा २ जनामा कोरोना संक्रमण पुष्टि भएको छ ।

बाँकेमा आजै १०० महिला र १४४ जना पुरुष कोरोना संक्रमण मक्त भएर घर फर्केका छन् भने पछिल्लो १२ घण्टामा ६ जनाको मृत्यु भएको छ । आज बिहान ७ः५०मा भेरी अस्पतालमा उपचाररत र्कलालीका ४३ वर्षिय पुरुषको मृत्ये भएको थियो भने सोहि अस्पतालमा ८ बजे खजुरा २ का ६७ वर्षिया महिलाकाृ मृत्यु भएको थियो । त्यसैगरि नेपालगन्ज मेडिकल कलेजमा नेपालगन्ज ८ का ३३ वर्षिय पुरुषको १०ः३० बजे, भेरी अस्पतालमा टिकापुरमा ५१ वर्षिया महिलाको १० बजे, भेरी अस्पतालमै नेपालगन्ज १७ का ६८ वर्षिय पुरुषको बिहान ८ बजे तथा नेपालगन्ज मेडिकल कलेजमा कोहलपुर १३ का ५० वर्षिय पुरुषको मृत्यु भएको डीसीसीएमसी बाँकेका कोरोना फोकलपर्शन तेज ओलीले जानकारी दिए ।

बाँकेमा अहिले सम्ममा जिल्ला भित्रका ११० र बाहिरी जिल्लाका १११ जनाको कोरोना संक्रमणबाट मृत्यु भईसकेको छ ।