कोरोना संक्रमणबाट आज तकका वरिष्ठ न्यूज एन्कर रोहित सरदानाको मृत्यु

भारतीय टेलिभिजन च्यानल आजतकका न्यूज एन्कर वरिष्ठ पत्रकार रोहित सरदानाको कोरोना संक्रमणका कारण मृत्यु भएको छ ।

कोरोना संक्रमणले ग्रसित भएपछि बिहीबार मेट्रो अस्पतालमा भर्ना गरिएका सरदानाको शुक्रबार बिहान मृत्यु भएको हो ।

सन् २००० बाट पत्रकारिताको करिअर सुरु गरेका सरदाना सन् २०१७ देखि आजतकमा कार्यरत रहेका थिए । त्यसअघि उनी जी न्यूजमा समाचारवाचन गर्दथे ।

भारतका कैयौं पत्ररकारहरुले सरदानाको मृत्युप्रति शोक व्यक्त गरेका छन् । सरदानाले हिजो मात्र एक ट्वीट गर्दै एक महिलालाई रेमडेसिविर इन्जेक्सनको इमरजेन्सी आवश्यकता भएको जनाएका थिए ।