पहिला भीडमा रमाएको सरकारले अहिले त्रास फैलाउँदैछ : वर्षमान पुन

खबर कुरा
१८ बैशाख २०७८, शनिबार
                 

काठमाडौं । नेकपा(माओवादी केन्द्र) का नेता वर्षमान पुनले सरकारले कोरोना नियन्त्रण गर्न सक्दिन भनेर त्रास फैलाएको आरोप लगाएका छन् ।

शनिबार सञ्चारकर्मीसँग कुरा गर्दै पूर्वमन्त्री समेत रहेका नेता पुनले नेता पुनले कोरोना रोकथाम तथा न्युनिकरणमा नलागि सरकारले गम्भिर लापरबाही गरेको आरोप लगाए ।

लापरबाहीपूर्ण तरिकाले पहिला भीड जम्मा गरेको सरकारले अहिले कोरोना नियन्त्रण गर्न सक्दिन भनेर हात उठाउनु गैरजिम्मेवार भएको पुनको भनाइ छ । स्वास्थ्य मन्त्रालयको विज्ञप्तिप्रति नेता पुनले टिप्पणी गरेका हुन् । सरकारले उक्त कुरा तुरुन्तै सच्याएर जनताको चेकजाँच र स्वास्थ्य उपचारमा ध्यान पु¥याउनुपर्ने उनले बताए ।

पुनले भने, – ‘आफैँ लापरबाही गरेर, हजारौँ हजारको मास जम्मा गरेर, शुरुमा सम्भावित जोखिमको लागि तयारी पनि नगर्ने सरकार, जोखिम बढेपछि म सक्दिनँ भनेर हात उठाउने असाध्यै गैरजिम्मेवार कुरा हो, यसरी सरकार, राज्य केहीपनि चल्न सक्दैन । यो कुरालाई तुरुन्त सच्याउनुपर्छ र जिम्मेवारीपूर्वक जनताको स्वास्थ्यउपचार, चेकजाँच, परिक्षणका कुराहरुलाई ध्यान दिनुपर्छ ।’

नेता पुनले कोरोना संक्रमण नियन्त्रणका लागि नीजि अस्पतालसँग समन्वय गर्नुपर्ने र थप आइशोलेसन सेन्टरका लागि विभिन्न सार्वजनिक ठाउँहरुमा युद्धस्तरको काम थाल्नुपर्ने पनि बताए । सरकारले अन्य राजनीतिक दलहरु र आम जनतालाई परिचालन गर्न नसकी जनतालाई जबर्जस्ती मृत्युको मुखमा धकेल्ने प्रयत्न गरको भन्दै कोरोना नियन्त्रणका लागि सर्वदलिय संयन्त्र बनाउन प्रधानमन्त्रीसँग माग पनि गरे ।

 

यसमा तपाइको मत

Your email address will not be published.


*