काठमाडौं । कांग्रेस सभापति शेरबहादुर देउवाले बोलाएको पदाधिकारी बैठक स्थगित भएको छ । केही शीर्ष नेताहरुमा कोरोना संक्रममण देखिएपछि बैठक स्थगित भएको हो ।
सभापति देउवाले आफ्नै निवास बुढानिलकण्ठमा आज दिउँसो २ बजेका लागि बैठक बोलाएका थिए । प्रधानमन्त्री केपी शर्मा ओलीले विश्वासको मत लिनका लागि यही वैशाख २७ गते प्रतिनिधिसभाको अधिवेशन बोलाउने निर्णय गरेपछि पार्टीको रणनीति बनाउन देउवाले बैठक बोलाएका थिए ।
तर, पार्टी प्रवक्ता विश्वप्रकाश शर्मालाई कोरोना संक्रमण पुष्टि भएपछि बैठक स्थगित गरिएको छ । कांग्रेस पार्टीकार्यालय सचिव कृष्णप्रसाद पौडेका अनुसार केही नेताहरुमा स्वास्थ्य समस्या देखिएपछि बैठक स्थगित गर्नपरेको हो ।
प्रवक्ता शर्मालाई सोमबार बिहान मात्रै कोरोना संक्रमण पुष्टि भएको थियो ।
प्रतिक्रिया