काठमाडौं । प्रधानमन्त्री केपी शर्मा ओलीले गण्डकी र सुदुरपश्चिम प्रदेशका प्रदेशप्रमुखहरु फेरेका छन् ।
सोमबार बसेको मन्त्रिपरिषद बैठकबाट प्रधानमन्त्री ओलीले गण्डकी प्रदेश प्रमुख अमिक शेरचन र सुदरपश्चिम प्रदेशका प्रदेश प्रमुख शर्मिला त्रिपाठीलाई पदमुक्त गरेर नयाँ प्रदेश प्रमुख नियुक्त गर्न राष्ट्रपतिलाई सिफारिस गरेका हुन् ।
गण्डकीका नयाँ प्रदेश प्रमुखमा सीता पौडेल सुदूरपश्चिम प्रदेश प्रमुखमा गंगाप्रसाद यादवलाई नियुक्ति गर्न ओलीले सिफारिस गरेका छन् ।
मालेको भातृ संगठन अखिल नेपाल महिला संघकी अध्यक्ष रहेकी पौडेल प्रधानमन्त्रीको जनसम्पर्क सल्लाहकार समेत हुन् ।
यादव राप्रपाको तर्फबाट दोस्रो संविधानसभामा उपाध्यक्ष बनेका थिए । उनी २०७४ सालको निर्वाचन अघि एमालेमा प्रवेश गरेका थिए ।
नयाँ प्रदेशप्रमुखहरुको आजै राष्ट्रपति कार्यालयमा सपथग्रहण गराउने कार्यक्रम रहेको छ ।
प्रतिक्रिया