काठमाडौं । वरिष्ठ हाँस्य कलाकार मदनकृष्ण श्रेष्ठ पुनः अस्पताल भर्ना भएका छन् ।
८ दिनसम्म अस्पतालमा उपचार गराएपछि हाँस्य कलाकार घर फर्किएका थिए । तर, घर फर्किएको भोलीपल्टै अक्सिजनको तह कम भएपछि उनलाई पुनः मेडिसिटी अस्पतालमा भर्ना गरिएको हो ।
अहिले उनको स्वास्थ्य अवस्था सामान्य रहेको छ । कोरोना संक्रमणका कारण उपचार गराइरहेका मदन केही दिन अगाडि अस्पतालबाट डिस्चार्ज भएका थिए ।
मदनकृष्णको छातीमा समेत सानो इन्फेक्सन देखिएकाले केही दिन उनलाई अस्पतालमै राखेर उपचार गरिने चिकित्सकले बताएका छन । मदनकृष्णलगायत उनको परिवारका ५ जनामै कोरोना संक्रमण देखिएको थियो ।
यसअघि ८ दिनसम्म अस्पतालमा बसेर घर फर्किएका मदनकृष्णले यो महामारीलाई सामान्य नसोच्न र यसविरुद्ध लड्नका लागि सबैसँग अपिल गरेका थिए ।
प्रतिक्रिया