कोरोना संक्रमितले बेड पाएनन् ? स्वास्थ्य मन्त्रालयले दियो बेड उपलब्ध गराउने सम्पर्क नम्बर

खबर कुरा
२३ बैशाख २०७८, बिहीबार
                 

काठमाडौं । स्वास्थ्य तथा जनसंख्या मन्त्रालयले कोभिड–१९ संक्रमितको उपचारका लागि शय्या चाहिएमा सम्पर्क गर्न भन्दै केही टेलिफोन नम्बर सार्वजनिक गरेको छ।

मन्त्रालयले टोलफ्रि नम्बर ११३३ एवं मोबाइल नम्बरहरु ९८५१२५५८३७ र ९८५१२५५८३९ मा सम्पर्क गर्न आग्रह गरेको हो। मन्त्रालयले सूचना प्रकाशित गरी बिरामीका लागि शय्या चाहिएमा वा अस्पताल जान परेमा ती नम्बरमा सम्पर्क गर्न आग्रह गरेको छ।

सङ्क्रमणको दोस्रो भेरियन्ट फैलिएर बिरामी बढ्न थालेपछि अहिले देशभरका अस्पतालहरुमा शय्याको अभाव देखिन थालेको छ।

बुधबार एकै दि न आठ हजार ६५९ जनामा संक्रमण देखिएको छ भने ५८ जनाको मृत्यु भएको छ। ती नम्बरमा फोन गरे शय्या उपलब्ध गराउने मन्त्रालयले जनाएको छ । चौबिसै घण्टा ती नम्बरमा फोन गर्न सकिने व्यवस्था मिलाइएको मन्त्रालयको दाबी छ। रासस

यसमा तपाइको मत

Your email address will not be published.


*