काठमाडौं । संघीय संसद्का चार सांसद सहित २ कर्मचारीलाई कोरोना संक्रमण भएको छ । प्रतिनिधिसभाका ४ सदस्य र संघीय संसद् सचिवालयका २ कर्मचारीमा कोरोना संक्रमण पुष्टि भएको हो ।
बुधबार गरिएको पिसिआर परीक्षणमा लक्ष्मणलाल कर्ण, रामबाबु यादव, नरमाया ढकाल र पार्वती डिसीलाई कोरोना संक्रमण पुष्टि भएको संसद सचिवालयले जनाएको छ ।
सचिवालयका अनुसार सभामुख र उनको सचिवालयका सबैको पीसीआर रिपोर्ट भने नेगेटिभ देखिएको छ ।
सभामुखसहित १२८ जना सांसदको बुधबार पीसीआर परीक्षणका लागि स्वाव लिईएको थियो । त्यस्तै संसद्का कर्मचारी, पत्रकार, सुरक्षाकर्मी, मर्यादापालक समेत गरी ४८१ जनाको पनि पीसीआर परीक्षण गरिएको थियो ।
प्रतिक्रिया