ओलीसँग कुनै सहमति भएको छैन, नीति र विधानमा चल्ने सुदृढ एमालेका लागि लचक छौं : नेपाल

खबर कुरा
२४ बैशाख २०७८, शुक्रबार
                 

काठमाडौं । नेकपा एमालेका वरिष्ठ नेता माधवकुमार नेपालले अध्यक्ष ओलीसँग कुनै सहमति नभएको प्रष्ट पारेका छन् ।

शुक्रबार सामाजिक सञ्जालमार्फत नेता नेपालले अहिलेसम्म कुनै सहमति नभएको स्पष्ट पारेका हुन् । नेता नेपालले सहमतिका लागि २०७७ फागुन २८ गते र तत्पश्चात बसेका बैठकहरू र त्यसले गरेका निर्णयहरू फिर्ता लिनुपर्ने अडान दोहोर्याउँदै पार्टीलाई २०७५ जेष्ठ २ गतेको कमिटी, विधान र नेतृत्वमा फर्काउनुपर्ने माग गरेका छन् ।

नेपालले आफुहरुले सिद्धान्तनिष्ठ, क्रान्तिकारी, नीति र विधिको आधारमा चल्ने सुद्दिढ र एकतावद्ध एमाले चाहेको हुनाले वार्ता र लचकता दुवै अपनाउन तयार भएको जिकिर पनि गरेका छन् । उनले लेखेका छन्, ‘वार्ता र लचकता दुवै अपनाउछौ तर सहमती भइसकेको छैन १

नेपालले लेखेका छन्, ‘हामी सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं किनकी यो हामीले निर्माण गरेको पार्टी हो । यसका लागि वार्ता र लचकता दुवै अपनाउछौं, तर अहिले सम्म कुनै सहमति भएको छैन । २०७७ फागुन २८ गते र तत्पश्चात बसेका कथित बैठकहरू र त्यसले गरेका निर्णयहरू फिर्ता लिनु पर्छ र २०७५ जेष्ठ २ गतेको कमिटी, विधान र नेतृत्व नै हाम्रो बटम लाइन हो । यस सम्बन्धमा कुनै किसिमको भ्रममा नपर्न , नअल्मलिन र सुदृढ र सशक्त पार्टी बनाउने महान अभियानमा लागिरहन आह्वान गर्दछौं।’

यसमा तपाइको मत

Your email address will not be published.


*