बुटवल । लुम्बिनी प्रादेशिक अस्पतालमा १ घण्टाभित्र अक्सिजन उपलब्ध हुन नसके धेरै संक्रमितको हताहती हुन सक्ने अस्पतालले जनाएको छ ।
अस्पतालसंग मौज्दात अक्सिजन सकिएको र अव १ घण्टा भन्दा बढी चल्ने अवस्था नभएको भन्दै अस्पतालले १ घण्टाभित्र अक्सिजन नझरे अप्रिय अवस्था आउन सक्ने बताएको हो ।
अस्पतालका प्रवक्ता डा बिष्णु गौतमले १ घण्टालाई मात्र माज्दात अक्सिजनले धान्ने र त्यस भित्र आउन नसके ठूलो जोखिम हुने बताए ।
शुक्रबार जिल्ला प्रशासन कार्यालय रुपन्देहीमा अक्सिजनको तत्काल अभाव हटाउन शंकर अक्सिजनले २३० सिलिण्डर, लुम्बिनी अक्सिजनले ५० र अर्को लुम्बिनी अक्सिजन प्रालीले ५० सिलिण्डर तत्काल उपलब्ध गराउने सहमती भएको थियो ।
तर सहमति अनुसार बिहानै झर्नु पर्ने सिलिण्डर ९ बजेसम्म नझरेपछि जोखिम बढेको डा. गौतमले बताए ।
प्रतिक्रिया