काठमाडौं । पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीलाई आजै विदाइ गर्नुपर्ने बताएका छन् ।
भट्टराईले हटाउनु पर्ने चारवटा कारणहरू प्रस्तुत गर्दै आजै प्रधानमन्त्रीबाट ओलीलाई हटाउनु पर्ने बताएका हुन् । आज बिहान ट्विट् गर्दै भट्टराईले कोरोना नियन्त्रणमा असफल भएको, संविधानविपरीत संसद विघटन गरी दुईरतिहाईको जनमत खेर फालेर देशलाई अस्थिरतामा धकेलेको, संवैधानिक अंगलगायत राज्यका सबै अंग कब्जा गरी लोकतन्त्र धरापमा पारेको र खोप तथा औषधि खरिदमा समेत भ्रष्टाचार गरेको आरोप लगाएका छन् ।
डा. भट्टराईले नेतृत्व गरेको जनता समाजवादी पार्टीले भने आफ्ना सांसदहरुलाई स्वतन्त्र छाड्दै मत दान गर्ने विषयमा स्वविवेक प्रयोग गर्न छुट दिएको छ । सो सम्बन्धमा यस अघि नै डा. भट्टराईले प्रधानमन्त्री ओलीको पक्षमा मतदान गर्न नभई ततस्थ बस्न छुट दिईएको स्पष्ट पारेका थिए ।
ओलीलाई आजै विदाइ गर्नुपर्ने प्रमुख कारण:१. कोरोना नियन्त्रणमा पूर्ण असफल रहेको;२.संविधान विपरित संसद बिघटन गरेर र २/३नजिकको बहुमत खेर फालेर देशलाई अस्थीरतामा धकेलेको;३.संवैधानिक अंग लगायत राज्यका सबै अंग कब्जा गरेर लोकतन्त्र धरापमा पारेको;४.खोप/औषधि खरिदमा समेत भ्रष्टाचार गरेको!
— Baburam Bhattarai (@brb1954) May 10, 2021
प्रतिक्रिया