रुपन्देहीमा ५०४ संक्रमित थपिँदा ४३८ जना कोरोना मुक्त, ११ जनाको मृत्यु

बुटवल । रुपन्देहीमा पछिल्लो २४ घण्टामा ५०४ कोरोना संक्रमित थपिएका छन् । संक्रमित थपिने क्रममा केहि कमी आएपनि रुपन्देहीमा मृत्युदर भने बढेको छ । २४ घण्टाकैबीचमा जिल्लामा ११ जनाको मृत्यु भएको छ ।

स्वास्थ्य कार्यालयका अनुसार आज बुटवल उपमहानगरमा २६० नयाँ संक्रमित थपिएका छन् भने तिलोत्तमामा ७९ जना, ओमसतियामा ५० जना, सिद्धार्थनगरमा ३१ जना र देवदहमा र सैनामैनामा २४-२४ जना संक्रमित थपिएका छन् ।

त्यसैगरि कञ्चनमा १० जना, सियारीमा ९ जना, सुद्धोधनमा ८ जना, गैडहवा र रोहिणीमा ३-३ जना तथा मर्चवारी र लुम्बिनी साँस्कृतिक नगरमा १।१ जनामा कोरोना संक्रमण पुष्टि भएको छ ।

रुपन्देहीमा सोही अवधीमा ४३८ जना कोरोना मुक्त भएका छन् ।