नेपालगन्ज । भेरी अस्पताल विकास समितिका अध्यक्ष प्रमोद धितालले कोरोना संक्रमितको उपचार गर्न बाँकेका प्रमुख जिल्ला अधिकारी र प्रहरी प्रमुख प्रहरी उपरिक्षकलाई चुनौती दिएका छन् । अस्पतालको क्षमता भन्दा बढी संक्रमितलाई उपचार गर्न बाध्य पारिएको आसयका साथ आज साँझ धितालले सामाजिक सञ्जालमा पोष्ट गरेको स्टाटसमा अस्पतालको क्षमताभन्दा बढीको उपचार गर्न नसकिने स्पष्ट पारेका छन् ।
उनले भेरी अस्पतालको अक्सिजन क्षमता अनुसार कोभिड बिरामी उपचार गर्न सक्ने १४२ बेड मात्रै भएको र १४२ संक्रमितको मात्र उपचार गर्न सकिने भन्दै त्यसभन्दा बढीको उपचार बाँकेका एसपी र सीडीओलाई गर्न चुनौती दिएका छन् ।
अस्पतालमा कोरोना वार्डका लागि १४२ बेड मात्र तयार गरिएपनि हाल भेरी अस्पतालमा ३०० बढी कोरोना संक्रमितको उपचार भईरहेको छ । अस्पताल विकास समितिका अध्यक्षको जिम्मेवारीमा रहेका ब्यक्तिले अस्पतालको क्षमता बृद्दी गर्न सबैसँग समन्वय र सहकार्य गर्नु पर्नेमा प्रशासकहरुसँग निहु खोजेको भन्दै सामाजिक सञ्जाल प्रयोगकर्ताहरुले उनको आलोचना गरेका छन् ।
प्रतिक्रिया