काठमाडौं । नेपाली कांग्रेसको पदाधिकारी बैठक जारी छ ।
सभापति शेरबहादुर देउवा निवास बुढानिलकण्ठमा सुरु बसिरहेको बैठकमा नयाँ सरकार गठनबारे भैरहेको प्रयासबारे छलफल हुने बताइएको छ ।
बहुमतीय सरकार गठनको समयसीमा सकिन अब केही घण्टामात्र बाँकी रहेको छ । तर अझै पनि कसरी सरकार गठन हुनसक्छ भनेर प्रष्ट भैसकेको छैन ।
पदाधिकारी बैठकअघि सभापति देउवाले माओवादी अध्यक्ष पुष्पकमल दाहाल प्रचण्ड र जसपा अध्यक्ष महन्थ ठाकुरसँग छुट्टाछ्ट्टै छलफल गरेका थिए ।
जसपाको ठाकुर पक्ष सरकार गठनमा असहयोगी बन्ने भएपछि प्रधानमन्त्रीको नेतृत्वका लागि प्रयास गरेका देउवासामु अब एमालेको माधव नेपाल पक्षको मात्रै भर बाँकी छ । नेपाल पक्षेले पनि सांसदपदबाट सामुहिक राजीनामा दिने सम्भावना टर्दै गएको छ ।
नेपाल पक्षले राजीनामा नदिए बहुमतको दाबी गर्न अघि नसर्ने कि भन्ने विषयमा समेत कांग्रेस पदाधिकारी बैठकमा छलफल हुनेछ ।
प्रतिक्रिया