देउवा निवासमा देउवा, प्रचण्ड र यादवबीच छलफल

खबर कुरा
३१ बैशाख २०७८, शुक्रबार
                 

काठमाडौं । नेपाली कांग्रेसका सभापति शेरबहादुर देउवा, माओवादी अध्यक्ष प्रचण्ड र जसपा अध्यक्ष उपेन्द्र यादवबीच छलफल भएको छ ।

कांग्रेस सभापति देउवा निवासमा तीन नेताबीच छलफल भएको हो । केपी शर्मा ओलीलाई सत्ता विस्थापित गर्दै देउवाको नेतृत्वमा नयाँ सरकार गठनका लागि प्रयास गरेका तीन नेताबीच सरकार बनाउन नसकेको विषयमाथि समीक्षा भैरहेको बताइएको छ । ओलीलाई सरकारबाट हटाउन नसकेपनि विपक्षी दलहरुबीच सहकार्य जारी राख्नेबारे छलफल भएको हो ।

संविधानको धारा ७६ को उपाधारा ३ अनुसार प्रधानमन्त्रीमा पुनः नियुक्त ओलीले ३० दिनभित्र फेरि संसदमा विश्वाको मत लिनुपर्छ । त्यस्तो बेलामा संविधानको धारा ६७ को उपधारा ५ अनुसार पुनः संसदमा बहुमत सिद्ध गर्न सक्ने जो कोही सांसद पनि प्रधानमन्त्रीको दाबेदार बन्न सक्छन् ।

 

यसमा तपाइको मत

Your email address will not be published. Required fields are marked *


*